Jambyl oblysynda muǵalimdi qorlaǵan oqýshynyń anasyna aiyppul salyndy. Bul týraly óńirlik sottyń baspasóz qyzmeti málimdedi, dep habarlaidy Dalanews.kz.
Oqiǵa Jańatas qalasyndaǵy mektep-gimnaziiasynda bolǵan. Oqýshy aǵylshyn tilinen sabaqqa kirmeý úshin muǵalimniń suranysyna dóreki jaýap berip, pedagogqa qarsy orynsyz sózder aitqan.
Buǵan deiin de balanyń osyndai áreketi úshin anasy jaýapqa tartylǵany belgili boldy. Sot otyrysynda áiel kinásin moiyndap, keshirim surady jáne mundai jaǵdailardy boldyrmaýǵa ýáde berdi.
Sot otbasylyq jaǵdaiyn jáne kinásin moiyndaǵanyn eskerip, aiyppul mólsherin 30% tómendetti. Anasy 41 myń teńge kóleminde aiyppul tóleitin boldy.
