14 jeltoqsanda Jambyl oblysyndaǵy "Aısha-bıbı" ótkizý pýnktinde iri kólemde esirtki zattaryn tasymaldaýǵa baǵyttalǵan áreket toqtatyldy, dep habarlaıdy Dalanews.kz.
"14 jeltoqsan kúni "Aısha-bıbı" ótkizý pýnktinde UQK shekara qyzmeti kóliktiń jasyryn bólikterinde tehnıkalyq quraldardy qoldaný arqyly 36 qaptama kúdikti zattardy anyqtady. Keıbir qaptamalarda "999" degen tańba bolǵan", – delingen Ulttyq qaýipsizdik komıteti taratqan habarlamada.
UQK málimetinshe, saraptama nátıjesinde tabylǵan zattardyń jalpy salmaǵy 30 kg-nan asyp, olar esirtki ekenin kórsetti: geroın – 0,999 kg, opıı – 3,620 kg, gashısh – 25,949 kg.
Oqıǵa ornynda sheteldik azamat ustalǵan, qylmystyq is boıynsha tergeý jumystary júrgizilýde.
"Qylmystyq-prosestik kodekstiń 201-babynyń 1-bólimine sáıkes basqa aqparat jarıalanbaıdy", – dep túıindedi UQK.
