Birneshe jyl boiy ógei ulyn sabap, jertólede qamaǵan er adam shartty jaza aldy. Jambyl oblystyq sotynyń bul sheshimi balanyń týǵan ákesiniń ashý-yzasyn týǵyzdy, dep habarlaidy Dalanews.kz.
Orda.kz málimetinshe, tergeý derekterine qaraǵanda, er adam pasynǵyn júieli túrde uryp-soǵyp, ash qaldyryp, qolyn bailap, sarai men jertólege qamap otyrǵan. Birde tipti ony eritindige batyryp, tunshyqtyrmaq bolǵan.
Onyń qatygez áreketteriniń biri bala kámpit jep qoiǵannan keiin jasalǵan.
Tergeýshilerdiń aitýynsha, balanyń anasy – aýdandyq bilim bólimi qyzmetkeri Gúlmira Madenova da jaǵdaidan habardar bolyp, kúieýiniń qylyǵyn quptap kelgen. Balany mektepke jibermegenin bile tura, oqý ornynyń ákimshiligi de kóz juma qarap, tek tártiptik jaza aldy.
Bir jyl buryn bala úiden qashyp shyqqan. Ony aýyl turǵyndary taýyp alǵan kezde, denesinde kóptegen jaraqat boldy: qulaǵynda, moinynda jáne denesinde syzattar, qolynda kógergen izder anyqtalǵan.
Buǵan deiin Jýaly aýdandyq soty ógei ákeni tórt jylǵa bas bostandyǵynan aiyrý jazasyna kesken edi.
Alaida apelliatsiialyq satyda Jambyl oblystyq sotynyń qylmystyq ister jónindegi alqa tóraǵasy Nurmuhammat Abidov bapty qaita saralap, jazany shartty jazaǵa aýystyrdy.
Aita keteiik, Jambyl oblysynda buǵan uqsas taǵy bir is tergelip jatyr. Kóktal aýylynda týǵan aǵaiyndylardyń birneshe jyl boiy zorlyq-zombylyq kórgeni aitylǵan. Al jaqynda olardyń anasy da kúdiktini aqtap alýǵa tyrysqan bolatyn.
