Jambyl oblysynda atys boldy: Qarashókeev málimdeme jasady
Көркем Алдабергенова
Kollaj: Dalanews.kz
Jambyl oblysynyń ákimi Erbol Qarashókeev óńirdegi atys oqiǵasynan keiin málimdeme jasady, dep habarlaidy Dalanews.kz.
Aita keteiik, 29 shildede Jambyl oblysynda atys bolyp, tórt adam zardap shekti.
"Moiynqum aýdanyndaǵy oqiǵa – basty nazarda. Jastar arasynda bolǵan quqyqbuzýshylyqqa bailanysty tiisti organdar shuǵyl áreket etýde. Memleket basshysy Qasym-Jomart Toqaev atap ótkendei, zań ústemdigi men qoǵamdyq tártipti saqtaý – memlekettiń basty mindetteriniń biri. Bul iste eshqandai keshirim bolmaidy – kúdiktiler zań aiasynda jaýapqa tartylady. Jastar – el bolashaǵy. Sondyqtan tártip pen zańdy saqtaý, adamgershilik pen jaýapkershilikti seziný – árbir jastyń boryshy. Qoǵamdaǵy tynyshtyq pen beibit ómir – ózara qurmet pen meiirimnen bastalady. Barsha jastardy tártipti bolýǵa, bir-birine syilastyqpen, túsinistikpen qaraýǵa, arandatýshylyqtan aýlaq bolýǵa shaqyramyn. Bizdiń basty maqsatymyz – qaýipsiz, ádiletti jáne birlikke negizdelgen qoǵam qurý", - deidi Qarashókeev.
29 shildede saǵat 21:30 shamasynda Jambyl oblysy Moiynqum aýdandyq aýrýhanasyna oq jaraqatymen tórt er adam jetkizildi.
Aldyn ala málimet boiynsha zardap shekkender travmatikalyq qarýdan jaralanǵan.
"Bul derek boiynsha Qylmystyq kodekstiń 24-baby, 3-bóligi, 99-baby, 2-bóligi boiynsha qylmystyq is qozǵaldy", - dep túsindirdi vedomstvo ókili.
Quqyq qorǵaý organdary kúdikti adamdardy anyqtaýǵa jáne ustaýǵa baǵyttalǵan jedel izdestirý is-sharalaryn júrgizip jatqany aityldy.
"Bolǵan oqiǵanyń mán-jaiyn anyqtaý boiynsha tergeý júrgizilip jatyr", - dep tolyqtyrdy PD baspasóz qyzmeti ókili.
