"Jambyl oblysy Myńaral aýylynda S. Seıfýllınniń atyndaǵy kósheni óziniń ákesi nemese týysy S. Qashqynbekovtyń atyna aýystyrǵan.
Múmkin ol aýylǵa eńbegi sińgen adam shyǵar, biraq ákimderdiń óz týystaryna kóshe ataýyn bergizýi qashan toqtaıdy? Ia, men de S. Seıfýllınniń rýy toqa rýynanmyn.
Biraq men qazaqty rýǵa, júzge nemese naǵyz qazaq dep bólmeımin. Biraq men tarıhı tulǵanyń esimi berilgen kóshe ataýynyń ózgerýine qarsymyn", - dep jazdy M. Tinikeev.
Azattyq Rýhy tilshisi atalǵan jaıdy anyqtap kórýge tyrysty. Myńaral aýylynyń ákimi rasymen de kóshege óz ákesiniń atyn bergizgen bolyp shyqty. Biraq ol osydan 17 jyl buryn bolǵan. Sol jyldary Myńaralda ákim bolǵan Talǵat Qashqynbekovtyń ákesi UOS jáne eńbek ardageri bolyp shyqty. Moıynqum aýdany ákiminiń orynbasary Amangeldi Námetqulovtyń sózinshe, tarap jatqan aqparat shyndyqqa janaspaıdy.
"Atalǵan jaǵdaıdan keıin arhıv qujattaryn kótertkizdik. Bul jaǵdaı buryn aýyl turǵyndarynyń ótinishimen aýysqan. Seıfýllınniń atyn eshkim alyp tastaǵan joq. Talǵat qazir ákim emes, onyń Nur-Sultan qalasynan týystary kelgen. Qonaqtarǵa bárin túsindirdim. Ardagerge berilgen kóshe shet jaqta, ol kóshede buryn ataý bolmaǵan", - dedi aýdan ákiminiń orynbasary Amangeldi Námetqulov.
