Prokýrorlar jergilikti atqarýshy organdardyń biýdjettiń shyǵys bóligin rastaityn qujattarsyz shyǵyndardy engizý faktilerin anyqtady, dep habarlaidy Dalanews.kz.
Qordai aýdanynyń ákimdigi memlekettik saraptamanyń qorytyndysynsyz mektepterdiń biriniń ǵimaratyn 756 mln teńgege kúrdeli jóndeýdi josparlaǵan. Qabyldanǵan sharalardyń nátijeleri boiynsha óńir biýdjetiniń shyǵys bóliginen 11 mlrd teńgege rastalmaǵan shyǵyndar alynyp tastaldy, – delingen prokýratýra habarlamasynda.
Sondai-aq oblys prokýratýrasy biryńǵai uiymdastyrýshy áleýetti ónim berýshilerge litsenziialar boiynsha qajetsiz joǵary talaptar qoiǵan 12 mlrd teńgege zańsyz satyp alýlardyń kúshin joidy.
Zańdylyqty buzǵany úshin memlekettik organdardyń 6 laýazymdy adamy jaýapqa tartyldy. Onyń ishinde 1 adam konkýrstyq qujattamada zańnamada kózdelmegen biliktilik talaptaryn belgilegeni úshin 461 myń teńge aiyppul arqalady.
