پروكۋرورلار جەرگىلىكتى اتقارۋشى ورگانداردىڭ بيۋدجەتتىڭ شىعىس بولىگىن راستايتىن قۇجاتتارسىز شىعىنداردى ەنگىزۋ فاكتىلەرىن انىقتادى، دەپ حابارلايدى Dalanews.kz.
قورداي اۋدانىنىڭ اكىمدىگى مەملەكەتتىك ساراپتامانىڭ قورىتىندىسىنسىز مەكتەپتەردىڭ ءبىرىنىڭ عيماراتىن 756 ملن تەڭگەگە كۇردەلى جوندەۋدى جوسپارلاعان. قابىلدانعان شارالاردىڭ ناتيجەلەرى بويىنشا ءوڭىر بيۋدجەتىنىڭ شىعىس بولىگىنەن 11 ملرد تەڭگەگە راستالماعان شىعىندار الىنىپ تاستالدى، – دەلىنگەن پروكۋراتۋرا حابارلاماسىندا.
سونداي-اق وبلىس پروكۋراتۋراسى ءبىرىڭعاي ۇيىمداستىرۋشى الەۋەتتى ءونىم بەرۋشىلەرگە ليسەنزيالار بويىنشا قاجەتسىز جوعارى تالاپتار قويعان 12 ملرد تەڭگەگە زاڭسىز ساتىپ الۋلاردىڭ كۇشىن جويدى.
زاڭدىلىقتى بۇزعانى ءۇشىن مەملەكەتتىك ورگانداردىڭ 6 لاۋازىمدى ادامى جاۋاپقا تارتىلدى. ونىڭ ىشىندە 1 ادام كونكۋرستىق قۇجاتتامادا زاڭنامادا كوزدەلمەگەن بىلىكتىلىك تالاپتارىن بەلگىلەگەنى ءۇشىن 461 مىڭ تەڭگە ايىپپۇل ارقالادى.
