Is-sapar barysynda aimaq basshysy Gilian provintsiiassynyń M.Nadjafimen kezdesip, óńirler arasyndaǵy ónerkásip, aýyl sharýashylyǵy, saýda-ekonomikalyq, rýhani-mádeni bailanystardy nyǵaitý boiynsha áńgimelesti. Sondai-aq, basqosýda kásipkerlik, saýda-sattyq, aýyl sharýashylyǵy salalaryn qamtityn ekijaqty áriptestik jónindegi memorandýmǵa qol qoiyldy.
Úsh kúndik jumys sapary kezinde jambyldyq delegatsiia Rásht qalasyndaǵy Sháhid Ánsari atyndaǵy kásiptik-tehnikalyq oqýortalyǵy men Ánzáli erkin saýda-óner kásipaimaǵy men ailaǵynyń jumysymen tanysyp, sondai-aq, Ýyldyryqty balyq institýtynyń jumysyn kózben kórdi.
Negizi Jambyl oblysy arqyly Iranǵa piiaz, keptirilgen jasymyq pen bidai eksporttalsa, Áýlieataǵa Irannan qurma, qurylysta paidalanatyn zattar, rezeńke buiymdary, toqyma materialdary, shyny ydystar, qara metalldan ázirlengen buiymdar, radiatorlar, elektrshamdar jáne basqa halyq tutynatyn taýarlar importtalǵan.
Iran Islam Respýblikasynyń Gilian provintsiiasyna jumys saparymen barǵan delegatsiia quramynda oblys ákiminiń orynbasary, aýdan ákimderi, basqarma, joǵary oqý orny men birqatar iri, orta kásiporyndar, sharýa qojalyqtardyń basshylary jáne Isker áielder qaýymdastyǵynyń ókilderi bar.
