Almaty oblysynda qyrkúiekte Astanada ótetin 5-Dúniejúzilik kóshpendiler oiyndarynyń jarystaryna qatysatyn jamby atýdan ulttyq quramanyń oqý-jattyǵý jiyny (at ústinde sadaq atý) ótip jatyr, – dep habarlaidy Dalanews.kz.
«Biz jyl basynan beri 5-shi Dúniejúzilik kóshpendiler oiyndaryna daiyndalyp jatyrmyz. Bul biz ótkizetin oqý-jattyǵý jiyndarynyń úshinshi kezeńi, alda-taǵy bir kezeń bar. Jattyǵý jiynyna bizdiń eń myqty sportshylarymyzdyń 2 quramy qatysady. Qazir biz 70-80% daiynbyz, áli de jumys isteý kerek. Qazir biz jylqylardy sporttyq daiyndaýmen de ainalysamyz. Mońǵoliia, Arab elderi, Indoneziia, Malaiziia, Vengriia ókilderin myqty qarsylas dep atai alamyn» - dedi jamby atýdan QR Ulttyq quramasynyń bas bapkeri Eldos Badashev.
Eske salsaq, Jamby atý respýblikalyq federatsiiasy QR Ulttyq sport túrleri qaýymdastyǵynyń quramyna kiredi. Sonymen qatar, qaýymdastyq quramyna báige, kókpar, aýdaryspaq, sadaq atý, qusbegilik, asyq atý, teńge ilý, «JORYQ» jáne t.b. federatsiialar kiredi. Qaýymdastyqty belgili kásipker, metsenat, «Altyn Qyran Foundation» qoǵamdyq qorynyń qamqorshylyq keńesiniń tóraǵasy Islambek Saljanov basqarady.
