Bul týraly Sybailas jemqorlyqqa qarsy is-qimyl ulttyq biýrosynyń ókilderine silteme jasapkaz.tengrinews.kz habarlady.
«Buǵan deiin ustalǵan Tuńǵyshbai Jamanqulov óz qorǵaýshysynyń kózinshe «Feniks» filminiń óndirisine bólingen biýdjet qarajatyn jymqyrǵanyn tolyqtai moiyndady, óz isine ókindi jáne shyǵyndy ótep berýge ýáde etti. Jamanqulov qarajattyń qolma-qol aqshaǵa ainaldyrylǵan deregin rastady jáne biýdjet qarajatynyń jeke maqsattarǵa jumsalǵanyn aitty», — delingen baspasóz habarlamasynda.
Jamanqulov ózine qatysty bultartpaý sharasyn kepilaqymen bosatýǵa aýystyrýǵa jáne QR Qylmystyq kodeksiniń 65-babyna sáikes, qylmystyq jaýapkershilikten bosatýdy surap, ótinish bildirdi.
Qylmystyq jaýapkershilikten bosatý týraly ótinish T. Jamanqulovtyń, N.Iýdinanyń jáne G.Ysqaqovanyń shyǵyndy tolyqtai ótegeninen keiin qarastyrylady.
«3 qarashada Tuńǵyshbai Jamanqulov shyǵyndy ishinara ótedi jáne tanymaldyǵy, jasy jáne kepil múlik qaldyrýyna bailanysty, «kepilaqymen bosatý» bultartpaý sharasy tańdaldy», — dedi vedomstvodaǵylar.
Aita keteiik, munyń aldynda mádeniet jáne sport ministri Arystanbek Muhamediuly Tuńǵyshbai Jamanqulovtyń ustalýyna qatysty pikir bildirgen bolatyn. Ministrdiń aitýynsha, Tuńǵyshbai Jamanqulov keshirim suraý úshin arnaiy Astanaǵa kelgen. «Bir apta buryn ol arnaiy kelip, keshirim surady. Isine ókinetinin aitty. Árine, bul másele ońai emes. Uzaq oilandym. Men oǵan kómek kórsetýge daiynmyn (…). Kepil berýge de daiynmyn», — dedi mádeniet jáne sport ministri Arystanbek Muhamediuly.
Eske salaiyq, osyǵan deiin qazaqstandyq akterdiń ustalǵany habarlanǵan edi. Sybailas jemqorlyqqa qarsy is-qimyl ulttyq biýrosy «Feniks» kórkemfilminiń túsirilimderine bólingen qarajattyń jymqyrylǵanyn anyqtaǵan bolatyn.
