Jelide torǵaılyq aqyn degen atpen tanymal Saıat Ábenov Tuńǵyshbaı Jamanqulov oryndaıtyn «Óner adamy» ániniń sarynymen jyr jazyp, tanymal akterdi qoldaıtynyn bildirdi. Aqyn ózi jazǵan óleń joldaryn "Atamnyń basy-aı" tobyna júktedi. Ol jazbasynda «Tuńǵyshbaı aǵamnyń osy ániń qatty jaqsy kórýshi edim. Sol ánniń mátiniń ózgertip ol kisige degen óz oıymdy jetkizgim keldi! «Ár qazaq – meniń jalǵyzym». Jalǵyzymdy jemqorlyqqa qımaımyn!», – deıdi torǵaılyq aqyn.

 

Sizder, sizder...

Sizder, Sizder patshadan da pańsyzdar,

Sizder, sizder taýdaı tulǵa, narsyzdar.

Bardy bar dep, joqty joq dep jasyrmaı,

El aldynda aıtyp júrgen jansyzdar.

 

Bireýlerdiń oǵy joq bop atarǵa,

Qulatty ma óner deıtin saparda.

Qý túrmege japsa jabar, ol túrme,

Qartaıǵanda sizge japqan shapan ba?

 

Qaıyrmasy:

Aldyńyzda jalt-jult etip sot-shyraq,

Búgin-erteń sottaıtyndaı bop turad.

Bireý maqtap, bireý dattap jatsa da,

Eshkim sizdi shyn túsingen joq, biraq.

 

Janyńyzǵa bermeı eshbir tynyshtyq,

Sizdi nege qamaý úshin tyrystyq?

Bar ekenin kináńizdiń bilmeımiz,

Altyndy da jiberemiz myrysh qyp.

 

Alla kýá, aq-qarasyn bilip pe el,

Kózben kórmeı seıilmeıdi kúdikter.

Bılik jaqqa aıtatynym – úmit ber,

Sottalmasyn bosqa bizdiń jigitter!

 

Torǵaılyq aqyn – Saıat Ábenov