«Jalǵyzymdy jemqorlyqqa qimaimyn!». Torǵailyq aqyn Jamanqulovqa qoldaý bildirdi.
Sizder, sizder...
Sizder, Sizder patshadan da pańsyzdar,
Sizder, sizder taýdai tulǵa, narsyzdar.
Bardy bar dep, joqty joq dep jasyrmai,
El aldynda aityp júrgen jansyzdar.
Bireýlerdiń oǵy joq bop atarǵa,
Qulatty ma óner deitin saparda.
Qý túrmege japsa jabar, ol túrme,
Qartaiǵanda sizge japqan shapan ba?
Qaiyrmasy:
Aldyńyzda jalt-jult etip sot-shyraq,
Búgin-erteń sottaityndai bop turad.
Bireý maqtap, bireý dattap jatsa da,
Eshkim sizdi shyn túsingen joq, biraq.
Janyńyzǵa bermei eshbir tynyshtyq,
Sizdi nege qamaý úshin tyrystyq?
Bar ekenin kinəńizdiń bilmeimiz,
Altyndy da jiberemiz myrysh qyp.
Alla kýə, aq-qarasyn bilip pe el,
Kózben kórmei seiilmeidi kúdikter.
Bilik jaqqa aitatynym – úmit ber,
Sottalmasyn bosqa bizdiń jigitter!
Torǵailyq aqyn – Saiat Əbenov
