Óskemen qalasyndaǵy voleiboldan olimpiadalyq rezervtiń mamandandyrylǵan balalar-jasóspirimder sport mektebi bolmaǵan issapar úshin sportshylarǵa 4 mln teńge aýdarǵany anyqtaldy, dep habarlaidy Dalanews.kz KAZINFORM- ǵa silteme jasap.
ShQO Sybailas jemqorlyqqa qarsy qyzmeti sport salasyndaǵy jemqorlyq táýekelderine syrtqy taldaý júrgizdi. Sonyń nátijesinde birqatar zańbuzýshylyq anyqtalǵan.
«Óskemende ornalasqan voleiboldan olimpiadalyq rezervtiń mamandandyrylǵan balalar-jasóspirimder sport mektebi qaǵazda oqý-jattyǵý jiyndaryn ótkizgendigin jáne sportshylarǵa jatyn oryndaryna, tamaqtanýyna issapar tólemderi retinde 4,1 mln teńge aýdarylǵandyǵyn kórsetken. Alaida is júzinde bul oqý-jattyǵý jiyndary qaladaǵy mekteptiń óz bazasynda ótkizilgen. Iaǵni, Óskemende turatyn sportshylarǵa issapar shyǵyndaryna tólem jasalǵan. Sondai-aq oblystaǵy Balalar men jasóspirimder sport mektepteriniń 7 qyzmetkeri jalǵan diplomdardy paidalanǵany anyqtaldy», - deidi Sybailas jemqorlyqqa qarsy qyzmettiń basshysy Denis Shakenov.
Osy faktiler boiynsha ýákiletti organdarmen tekserýler júrgizilýde. Sonyń qorytyndysy shyqqannan keiin qylmystyq-protsestik zańnama sheńberinde protsestik sheshim qabyldanady.
