Senator Talǵat Júnisov kásibi-tehnikalyq bilim berý júiesine ózgeris qajet ekenin alǵa tartty, dep habarlaidy Dalanews.kz.
Aitýynsha, búginde osy baǵytta kadr tapshylyǵy úlken máselege ainalǵan.
“Máselen, elimizde tokar, frezershi, slesar siiaqty bilikti mamandar joqtyń qasy. Jalaqy 600 myń teńgege deiin kóterilgenine qaramastan, jumysqa nietti adamdar sany jumys oryndaryna qaraǵanda áldeqaida az. Al kásibi-tehnikalyq bilim alǵan mamandarǵa degen suranys joǵary oqý oryndaryn bitirgen túlekterge qaraǵanda 70%-ǵa kóp. Bul júieniń qazirgi eńbek naryǵyna sáikes kelmeitinin kórsetedi”, – deidi Talǵat Júnisov.
Sonymen qatar ol aýyldyq jerlerdegi kolledjderdiń materialdyq bazasy nashar ekenin erekshe atap ótti.
“Aýyldyq kolledjderdi zamanaýi qural-jabdyqtarmen qamtamasyz etý úshin “Jas maman” jobasyn qaita nazarǵa alǵan jón”, — dep qosty ol.
