"Ekonomikamyzdyń qalpyna kelip jatqanyn barlyq qarjy institýty moiyndap otyr. Byltyr birde-bir reiting agenttigi bizdiń kredittik reitingimizdi tómendetken joq, kerisinshe, keibir kórsetkishter boiynsha kóterdi.
Kúni keshe men Halyqaralyq valiýta qorynyń missiiasymen kezdestim. Olar biyl ekonomikamyz 3,8 protsentke ósedi dep boljap otyr. Jalpy, basqa halyqaralyq qarjy institýttarynyń boljamyna sáikes, osy jyly ekonomikalyq ósim 3,8-4 protsenttiń mańaiynda bolady. Al kelesi jyly 4,5 protsentke deiin barady", - dedi Mamin senattyń jalpy otyrysynda.
Úkimet basshysynyń aitýynsha, biyl on aidyń ishinde el ekonomikasynda 3,5 protsenttik ósim tirkelgen.
Negizgi draiverler – óńdeý ónerkásibi, qurylys salasy men sheteldik investitsiialar.
"Sandardy jariialai keteiin. Biyl óńdelgen taýarlardyń eksporty 25,5 protsentke ósti. Bul degenimiz, syrtta bizdiń taýarlarymyzǵa suranys artty. Jalpy, osy jyly eksport 20 protsentke ósti. Saýda-sattyq kólemi de ulǵaiyp otyr. Demek oń dinamika kórinip tur. Oǵan ekonomikanyń naqty sektory yqpal etip otyr", - dep atap ótti premer-ministr.
Osy oraida úkimet basshysy ekonomikanyń damýyna halyqty vaktsinalaý qarqyny da tikelei áser etip otyrǵanyn da erekshe atap ótti. Búginde vaktsinanyń eki dozasyn halyqtyń 70 protsenti aldy. Osynyń arqasynda adamdar jumysqa shyǵyp, ekonomikalyq belsendilik arta tústi.
"Sondyqtan kelesi jyly ekonomikalyq ósimge qol jetkizý jaǵynan kúdiktenýge eshbir sebep joq. Ony biylǵy jyldyń kórsetkishteri de rastap otyr", - deidi Mamin.
Derekkóz: sputnik.kz
