Eki aı buryn oblys ákimi Danıal Ahmetov jol jıegindegi ýchaskelerdi jónge keltirý týraly tapsyrma bergen edi. İske bilek sybana kirisken belsendiler osy aralyqta Semeıdiń bir ózinde 47 jarnama konstrýksıasyn jańartyp, kóshe boıynan 50 jarnama qurylysy men kergilerdi alyp tastady. Óskemenniń óńin qashyrǵan, zańsyz ornatylǵan syrtqy «jar salǵyshtar» qatary da kóshten qalar emes.
– Semeı men Óskemen kóshelerin qajetsiz jarnamalardan bosatý kerek. Ne qazirgi zaman úrdisine saı emes, ne qalaǵa kórik berip turǵany shamaly. Qarasańyzdar, joldyń eki jıeginde tolyp turǵan kásipkerlerdiń jarnamasy. Bıznesmender qoǵamdy syılaýy kerek. Biz olarǵa árkez barynsha qoldaý kórsetemiz, biraq yńǵaılaryna jyǵylmaımyz, – dedi keńeıtilgen apparat otyrysynda sóz alǵan oblys ákimi Danıal Ahmetov.
Jol jıegin syrtqy jarnamalardan tazartýǵa baǵyttalǵan istiń barysyn oblys ákiminiń orynbasary Serik Aqtanov baıandady. Aıtýynsha, jarnama qurylysy men kergilerdi alyp tastamas buryn ruqsat qaǵazdarynyń bar-joǵy, standart talaptary men «Til týraly» zańnyń saqtalýy qatań túrde tekseriledi. Keı jaǵdaıda, tipti, sotqa júginýge týra keledi. Aıta ketý kerek, bul jumysty aýdan ortalyqtarynda da jalǵastyrý josparda tur.
SHQO ákiminiń baspasóz qyzmeti
https://dalanews.kz/30625
