19 jeltoqsan kúni Túrkistan qalasynyń birneshe turǵyny oblys ákimi J.Túimebaevtyń qabyldaýynda boldy.
Tarqata aitsaq, oblys ortalyǵy bolǵan Túrkistan qalasynda jańa josparǵa sáikes kóptegen qurylys nysandary salynady dep josparlanyp otyr.
Osyǵan orai, sitýatsiialyq syzbadaǵy 98 gektar jerdi quraityn ekinshi aimaq atalatyn «Rýhani-mádeni ortalyq» aimaǵyna qajetti jerdi daiyndaý maqsatynda memleket muqtajdyǵy úshin 171 nysandy (13 kásipkerlik, 158 turǵyn úi) qala ákiminiń 2018 jylǵy 16-qazandaǵy №1370 jáne 27-qarashadaǵy №1604 ««Memlekettik muqtajdyq úshin jer ýchaskelerin nemese ózge de jyljymaityn múlikterdi májbúrlep ielikten shyǵarýdyń bastalýy týraly qaýlylaryna» sáikes jerdi qaitarý jumystary júrgizilýde. Atalǵan qaýly basylym betinde jariialanyp («Túrkistan», «Týrkiston» gazetiniń 2018 jylǵy, 19 qazan, №42 sanynda), zańǵa sáikes turǵyn úi ielerine eskertý qaǵazdary taratylǵan.
Atalǵan 171 nysanǵa akt toltyrylyp sýretke túsirilgen. Onyń ishinde 165-nysannyń qujattary tolyq jinaqtalyp, baǵalaý jumystary júrip jatyr.
Búgingi tańda 90 úidiń baǵalaý jumystary tolyq aiaqtaldy. 33 úidiń ieleri kelisimin berdi.
Qabyldaýǵa qatysýshylardy oblys ákimi J. Túimebaev qabyldap: «Túrkistan — týrizm, túrki halyqtarynyń ortalyǵyna ainalsyn dep jatyrmyz. Ol úshin ainaladaǵy eski úilerdin ornyna jańa ǵimarattar boi kóterý kerek. Al burynǵy turǵyndarǵa naryqqa sai jyljymaityn múlkine qarjy, jer telimi ne baspana beriletin bolady», — dedi.
