Izdeýde júrgen eks-kólik prokýrory Maqsat Dúisenovtiń týystary Dýbaidan qymbat páter ielengen, dep habarlaidy Dalanews.kz.
Telegram-daǵy «Vyhod k moriý» arnasynyń málimetinshe, Maqsat Dúisenovtiń týǵan inisi Ashatqa Jumeirah Gate Tower turǵyn kesheninen apartamentter tiesili. Olardyń quny 4,7 mln dollar dep baǵalanýda. Al turǵyn úi kesheniniń jerasty avtoturaǵyndaǵy eki turaq ornyn eskergende, Ashat Dúisenovtiń Jumeirah Gate Tower-degi aktivteri 2,7 mlrd teńgege jetýi múmkin.
«Sonymen birge onyń iri biznesi joq, biraq salyq qaryzdary, Astanadaǵy sátsiz investitsiialary jáne qylmystyq ótken shaǵy bar. Degenmen bul jaǵdailar aǵasynyń quqyq qorǵaý organdaryndaǵy mansabyna esh áser etpegen», – dep jazady avtorlar.
Almaty qalasy Almaly aýdany politsiiasy prokýratýranyń bastamasymen Maqsat Dúisenovke izdeý jariialaǵan. Ony Qairat Qojamjarovtyń komandasynyń múshesi retinde ataidy.
2013–2014 jyldary Dúisenov QR Qaýipsizdik keńesi hatshylyǵy sektorynyń meńgerýshisi qyzmetin atqarǵan. Bul kezde Qojamjarov Prezidenttiń kómekshisi – Qaýipsizdik keńesiniń hatshysy bolǵan.
2016 jyldyń qazanynan 2018 jyldyń qańtaryna deiin Dúisenov Jemqorlyqqa qarsy is-qimyl ulttyq biýrosy basshysynyń orynbasary qyzmetin atqardy. Al sol ýaqytta Qojamjarov Memlekettik qyzmet isteri jáne sybailas jemqorlyqqa qarsy is-qimyl agenttigin basqardy.
2017 jyldyń jeltoqsanynda Qojamjarov Bas prokýror qyzmetine kiristi, al Dúisenov 2018 jyldyń qańtarynan bastap Bas transporttyq prokýrordyń birinshi orynbasary, keiin Bas transporttyq prokýrordyń ózi boldy.
