Qazaqstan İİM Interpol ulttyq ortalyq búrosynyń suraýy boıynsha buzaqylyq jasaǵany úshin halyqaralyq izdeý jarıalanǵan qazaqstandyq azamat Ystambulda ustaldy, - dep habarlaıdy Dalanews.kz Polisia.kz-ke siltep.
Byltyr jazda er adam tanystarymen birge Saryaǵash qalasynyń kafeleriniń birinde bolyp, basqa kelýshimen janjaldasyp, oǵan dene jaraqatyn salyp, mekemeniń múlkine zaqym keltirgen.
Ustalǵan adam Qazaqstanǵa jetkizildi.
Eske salaıyq, kúni keshe halyqaralyq izdeýde júrgen taǵy bir qylmysker Astana áýejaıynda ustaldy.
Astana qalasynyń halyqaralyq áýejaıynda qazaqstandyq polıseıler Ázerbaıjan İİM Interpol ulttyq ortalyq búrosynyń suraýy boıynsha alaıaqtyq jasaǵany úshin halyqaralyq izdeýde júrgen osy eldiń azamatyn ustady.
Er adam 2022 jyly Bakýdegi áleýmettik úılerden páter alýǵa kómektesý syltaýymen jergilikti turǵyndardyń aqshasyn ıemdengen.
Qaskóı Astanadan Dýshanbege ushyp ketpek bolǵan. Qazirgi ýaqytta ol elordalyq polısıanyń ýaqytsha ustaý ızolátoryna qamaldy.
