قازاقستان ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا بۇزاقىلىق جاساعانى ءۇشىن حالىقارالىق ىزدەۋ جاريالانعان قازاقستاندىق ازامات ىستامبۇلدا ۇستالدى، - دەپ حابارلايدى Dalanews.kz Polisia.kz-كە سىلتەپ.
بىلتىر جازدا ەر ادام تانىستارىمەن بىرگە سارىاعاش قالاسىنىڭ كافەلەرىنىڭ بىرىندە بولىپ، باسقا كەلۋشىمەن جانجالداسىپ، وعان دەنە جاراقاتىن سالىپ، مەكەمەنىڭ مۇلكىنە زاقىم كەلتىرگەن.
ۇستالعان ادام قازاقستانعا جەتكىزىلدى.
ەسكە سالايىق، كۇنى كەشە حالىقارالىق ىزدەۋدە جۇرگەن تاعى ءبىر قىلمىسكەر استانا اۋەجايىندا ۇستالدى.
استانا قالاسىنىڭ حالىقارالىق اۋەجايىندا قازاقستاندىق پوليسەيلەر ازەربايجان ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا الاياقتىق جاساعانى ءۇشىن حالىقارالىق ىزدەۋدە جۇرگەن وسى ەلدىڭ ازاماتىن ۇستادى.
ەر ادام 2022 جىلى باكۋدەگى الەۋمەتتىك ۇيلەردەن پاتەر الۋعا كومەكتەسۋ سىلتاۋىمەن جەرگىلىكتى تۇرعىنداردىڭ اقشاسىن يەمدەنگەن.
قاسكوي استانادان دۋشانبەگە ۇشىپ كەتپەك بولعان. قازىرگى ۋاقىتتا ول ەلوردالىق پوليسيانىڭ ۋاقىتشا ۇستاۋ يزولياتورىنا قامالدى.
