Onyń málim etkenindei, qazirgi kúni úsheýi de jaýapqa tartylyp jatyr.
“Bulardyń bireýi shetelge qashyp ketti. Biz onyń júrgen jerin anyqtaý ústindemiz. Qylmystyq isti tergeýdi aiaqtap qaldyq.
Jýyr arada buǵan qatysty material protseske qatysýshylarǵa tanystyrylady, sodan keiin sotqa jóneltiledi. Tergeý kezinde kúdiktilerge qatysty tolyq dálelder jinaldy", - dedi Ádilov ortalyq kommýnikatsiialar qyzmetinde ótken brifingte.
Aita ketsek, vainerler 2021 jyldan bastap Mudarabah Capital kompaniiasyn jarnamalai bastady.
Keiin kompaniia qarjy piramidasy dep tanyldy. 2021 jyldyń qazanynda Mudarabah Capital kompaniiasynyń iesi Almatyda qarjy piramidasyn uiymdastyrdy degen kúdikpen ustaldy. Al Meiirjan Tórebaev, Meiirhan Sherniiazov, Azimjan Saidbaev quryltaishylary dep tanyldy.
Tórebaev pen Sherniiazov 1000 AEK (3 063 000 teńge) kóleminde kepil tólep, sottyń sońǵy sheshimine deiin bosatylǵan.
Al Saidbaevty qamaýǵa alýǵa sheshim shyǵaryldy. Alaida ol shetelge qashyp ketken. Búgingi tańda halyqaralyq izdeý jariialandy.
