Is sotqa jetti
Aldyn ala tyńdaý mamandyrylǵan sottyń eń úlken zalynda ótedi. Bishimbaevty birden úsh advokat qorǵaidy. Qatysýshylar sany kóp bolǵandyqtan sot tyńdaýy úlken zalda ótip jatyr.
Jýrnalisterge arnaiy zal qarastyrylǵan, ol jaqtan protsesti ekrannan kórýge bolady. Eks-ministr videokameralar men fotoobektivterdiń aldynda sabyrly kórindi. Zalda sottalýshylardyń týystary men jaqyndary jáne Qýandyq Bishimbaevtyń burynǵy áriptesteri bar.
Aldyn ala sot otyrysyn bul sottyń tóraǵasy Ádilhan Shaihislamlv júrgizedi. Biylǵy qańtardan bastap Ulttyq ekonomika eks-ministri qamaýda boldy.
Eske salaiyq, Sybailas jemqorlyqqa qarsy is-qimyl ulttyq biýrosynyń ókilderi QR Ulttyq ekonomika ministrligin basqarǵan Qýandyq Bishimbaevtyń ustalǵanyn habarlaǵan bolatyn. "Bishimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bishimbaev óz qajetine jaratqan", – dep habarlaǵan edi Antikorrýptsiia qyzmetiniń ókilderi.
8 aiǵa jýyq ministr bolǵan Bishimbaev Astana qalalyq IID-niń ýaqytsha tergeý ustaý izoliatoryna qamalǵan edi. Bul is boiynsha taǵy 20-dan astam adam figýrant retinde sotqa shaqyrtylady, olardyń arasynda NUH "Báiterek" quramyna kiretin "Baiterek DEVELOPMENT" AQ-nyń qyzmetkerleri baryn aita keteiik.
