İri ınvestorǵa jer bermeı qoıǵan laýazymdy tulǵa jaýapkershilikke tartyldy

Qarakóz Amantaı 23 mam. 2024 15:28 2941

Jambyl aýdanynda 100 jumys ornyn ashýmen 14,5 mıllıard teńgege "Gıpsokarton jáne qurǵaq qurylys qospalaryn óndirý zaýytynyń qurylysy" iri jobasyn iske asyrýdy bastaǵan "KnaýfGıpsTaraz" JSHS nemis-qazaqstandyq óndirýshisi jer ýchaskesin alý problemasyna tap boldy, dep habarlaıdy Dalanews.kz.

Kináli laýazymdy tulǵa tártiptik jaýapkershilikke tartylǵan.

Aýdan ákimdiginiń jer qatynastary bólimi ınvestorǵa zaýyt salý jáne temirjolǵa qyzmet kórsetý úshin qosymsha 20 gektar jer berýden zańsyz bas tartqan.

"Jambyl aýdany prokýratýrasynyń engizilgen qadaǵalaý aktisiniń nátıjeleri boıynsha jer alý máselesi oń sheshilip, jobany iske asyrý jalǵastyryldy", - delingen Jambyl oblysy prokýratýrasynyń habarlamasynda.


Usynylǵan
Sońǵy jańalyqtar