Iri alaiaqtyq jasaǵan kúdikti Belarýsten ekstraditsiialandy, dep habarlaidy Dalanews.kz.
Bas prokýratýranyń qyzmetkerleri Qazaqstannyń Belarýstegi Elshiliginiń kómegimen, kúdiktini Belarýs Respýblikasynan iri mólsherdegi alaiaqtyq úshin qylmystyq jaýaptylyqqa tartý maqsatynda ekstraditsiialady.
Ol, 2022 jyldyń qańtarynan 2023 jyldyń tamyzyna deiingi kezeńde Túrkistan qalasynda bir top adam bolyp áreket etip, kásip ashý úshin tegin aqshalai grant alýǵa kómektesemiz degen syltaýmen 13 azamattyń qarajatyn urlaǵan, olarǵa 10 million teńgeden iri mólsherde shyǵyn ákeldi.
Bul qylmystyń sybailasy sottalǵan, al kúdikti zańsyz áreket jasaǵannan keiin qashyp ketken jáne halyqaralyq izdeýge jariialanǵan.
2024 jyldyń qazan aiynda ol Belarýste ustalyp, Qazaqstan Bas prokýratýrasynyń ótinishi boiynsha otanyna ekstraditsiialandy.
Qazir kúdikti Astanadaǵy tergeý izoliatoryna qamaldy.
Bul qylmysty jasaǵany úshin múlkin tárkileý arqyly úsh jyldan jeti jylǵa deiin bas bostandyǵynan aiyrý túrinde jaza qarastyrylǵan.
