Qazaq ulttyq Óner akademiiasynyń Qobyz jáne orys halyq mýzykasy kafedrasynyń aǵa oqytýshysy, Halyqaralyq, respýblikalyq baiqaýlardyń laýreaty Almat Saijan men Yqylas Dúkenulynyń urpaǵy, Qobyz óneriniń dástúrli ustanýshysy, Kúishiler odaǵynyń Atyraý obl. filialynyń jetekshisi, Respýblikalyq konkýrstary men xalyqaralyq festivalderdiń laýreaty, Atyraý oblysyndaǵy Dina Nurpeiisova atyndaǵy akademiialyq qazaq xalyq aspaptar orkestriniń solisi Aqnar Táttibaiqyzy Sháripbaeva Yqylas Dúkenulynyń kúilerin naqyshyna keltire oryndady.
Y.Dúkenulynyń portretin salǵan sýretshi, QR Eńbek sińirgen qairatkeri Januzaq Músápir dáýlesker kúishi Yqylas Dúkenuly sýretiniń qyr-syrymen jurtshylyqpen bólisti.
Keshti Shalqar radiosynyń qyzmetkerleri belgili ónertanýshy, kúishi, Sársenǵaly Júzbai men ánshi Jasulan Naýryzbaiuly kúishiniń shyǵarmashylyǵyna taldaý jasai otyryp, júrgizdi.
Qazaqtyń ataqty kúishi-qobyzshysy, kompozitor, qylqobyzda oinaýdyń asqan dúldúl sheberi Yqylas Dúkenulynyń biyl týǵanyna 176 jyl. Yqylastyń ósken ortasynda kúishilik óner airyqsha áspetteletin dástúrge ainalyp, dáýlesker kúishilerdiń qalyń shoǵyry qalyptasqan. Táttimbet, Sary, Toqa, Dairabai, Qyzdarbek, Itaiaq, Ábdi siiaqty kúishilerdiń Yqylas biriniń dańqyn estip, kúiin qulaǵyna quiyp ósse, kelesisiniń kózin kórip, qadirles syilas bolǵan. Bul ortada baǵzydan jetken teris buraý kúileri ushtalyp, órisin uzartqan. Yqylas bolsa sol uly dástúrdi qobyz tilinde jalǵastyrýshy dáýlesker kúishi. Qorqyt atadan keiin táńirlik aspapqa adamnyń tilin darytyp, joǵyn joqtatyp, muńyn muńdatqan birtýar kompozitor. Keshtiń maqsaty –nasihattalýy kemshin dástúrli mýzyka men onyń tanymal tulǵalarynyń biri - Yqylas Dúkenulynyń shyǵarmalaryn tyńdarman nazaryna usyný jáne ol týraly tyń derekterdi rýhani ainalymǵa qosý bolatyn.
