Aqtaýda "Han" laqap atymen tanymal asaba Qasym Óteshev 10 táýlikke ákimshilik qamaýǵa alyndy. BAQ málimetinshe, mundai sheshim onyń jubaiyna qatysty shyǵarylǵan qorǵanys nusqamasynyń talaptaryn buzýyna bailanysty qabyldanǵan, dep habarlaidy dalanews.kz.
Aqparatqa qaraǵanda, mamyr aiynyń ortasynda politsiia Qasym Óteshevke jubaiy Almaǵa jaqyndaýǵa jáne onymen bailanys ornatýǵa tyiym salatyn qorǵanys nusqamasyn bergen. Alaida birneshe kúnnen keiin asabanyń áieliniń úiine barǵany aitylady.
Sol jerde erli-zaiypty arasynda janjal týyndaǵan. Oqiǵa ornynda bolǵan adamnyń aitýynsha, áńgime kóp uzamai daý-damaiǵa ulasyp, taraptar bir-birine aýyr sózder aitqan.
Osylaisha, buǵan deiin áleýmettik jelide qyzý talqylanǵan otbasylyq jaǵdai endi quqyqtyq máselege ulasty. Qorǵanys nusqamasynyń talaptaryn buzǵany úshin Qasym Óteshev 10 táýlikke ákimshilik qamaýǵa alyndy.
Málimetke súiensek, asaba jaqyn kúnderi bostandyqqa shyǵýy tiis.
