Qyzylorda qalasynyń turǵyny áleýmettik jeli arqyly alaiaqtyq jasaǵany úshin sottaldy. Bul týraly prokýratýra málimdedi, dep habarlaidy dalanews.kz.
Tergeý málimetinshe, 32 jastaǵy er adam 2024 jyly birneshe sybailasymen birge Instagram jelisinde jalǵan paraqsha ashyp, qazaqstandyqtardy ońai tabysqa kenelýge ýáde berip aldaǵan.
Olar áleýmettik jeli qoldanýshylaryna "salǵan aqshańyzdy birneshe ese kóbeitip qaitaramyz" dep sendirip, jábirlenýshilerden qarjy jinaǵan. Keiin qarajat "1XBETKZ" býkmekerlik keńsesi men "Wooppay Wallet" tólem júiesi arqyly iemdenilgen.
Nátijesinde elimizdiń ár óńirinen 154 adam alaiaqtardyń qurbany bolyp, keltirilgen shyǵyn kólemi shamamen 12 million teńgeni quraǵan.
Sot otyrysynda aiyptalýshy óz kinásin tolyq moiyndaǵan. Sondai-aq jábirlenýshilerge keltirilgen materialdyq zalaldy tolyq ótegen.
Prokýratýranyń habarlaýynsha, osyǵan bailanysty oǵan bas bostandyǵynan aiyrýmen bailanysty emes jaza taǵaiyndalǵan. Qazir sottalǵan azamat turǵylyqty jeri boiynsha probatsiialyq baqylaýda. Sot úkimi zańdy kúshine endi.
