Shymkentte Instagram arqyly zańsyz lotereia uiymdastyrǵandar anyqtaldy, - dep habarlaidy Dalanews.kz.
Qala turǵyny «Lotereialar jáne lotereia qyzmeti týraly» Zańnyń talaptaryn buza otyryp, tiisti litsenziiasysyz, zańsyz paida tabý maqsatynda 2 akkaýnttan tikelei efirde «LOTO» oinatqany anyqtaldy.
Lotereia utysy retinde «Toyota Land Cruiser Prado» markaly avtokóligi, Samsung, IPhone, Redmi smartfondary, zergerlik buiymdar jáne turmystyq tehnika qoiyldy.
Zattar tárkilenip, zattai dáleldemeler dep tanyldy.Sonymen qatar, ol lotereia biletterin satý boiynsha belsendi jarnamany júzege asyrǵan (1 danasyn – 5000 teńgege, 3 dana – 10000 teńge, 6 dana – 20000 teńge, 12 dana – 40000 teńge, 30 dana – 100000 teńge).
Satylǵan biletterden túsken qarajatty óziniń kart-shotyna jáne týystarynyń shottaryna jinaǵan. 2023 jylǵy 10 qyrkúiekten 29 qarashaǵa deiin satylǵan biletterden túsken qarajattyń jalpy somasy 96 mln teńgeden asty
Sot úkimimen azamat kináli dep tanylyp, oǵan 1 jylǵa bas bostandyǵyn shekteý túrindegi jaza taǵaiyndaldy.
Sot úkimi boiynsha alynǵan zattai dáleldemeler memleket kirisine tárkilendi.
