Tuńǵysh prezıdent kúnine oraı kópbalaly analar, búdjettik mekemelerde eńbek etetin mamandar úıli boldy. Saltanatty jıynda aýdan ákimi Baǵdat QARASAEV páter ıelerine kiltin tabystap, jańa qonystarymen quttyqtady. Sondaı-aq jańa páter ıesi atanǵan kópbalaly Áýbákirovtar otbasynanyń úıine kirip, syı-sıapat jasady.
«Barshańyzdy kele jatqan Tuńǵysh Prezıdent kúnimen jáne jańa qonystaryńyzben quttyqtaımyn! Otbasylaryńyzdan bereke-birlik ketpeı jańa úılerińizdiń ishi yrysqa toly bolsyn! Jeke baspana árkimniń shaǵyn memleketi. Al, baspanaly bolý kim úshin bolsa da úlken qýanysh. Qýanyshtaryńyz jaqsylyqqa ulasa bersin! Egemendi elimizdiń irgesi aman, aspanymyz ashyq bolsyn!», – dedi ákim Baǵdat Qarasaev óz quttyqtaýynda.
[perfectpullquote align="full" bordertop="false" cite="" link="" color="" class="" size=""]
Úıdiń qurylysyn júrgizgen «Agrospesstroı» JSHS. Úı barlyq talaptarǵa saı sapaly salynǵan. Aýdan ákimi saltanatty jıynda seriktestiktiń basshysy Ýálıhan Ázimhanuly JUMABAEVQA alǵys aıtyp, jumysyna tabys tiledi.[/perfectpullquote]
Sondaı-aq, bıylǵy jyly Almaty irgesindegi Boraldaı kentinde búdjet qarajatyna ınjenerlik jeliler tartylyp, jeke kásipkerler esebinen 130 páterlik 3 turǵyn úıler paıdalanýǵa beriledi.
İle aýdanynda qonys toılar aldaǵy ýaqytta da jalǵasa bermek. Turǵyn úı kezegin azaıtý maqsatynda, Ótegen batyr aýylynda taǵy da 60 páterlik turǵyn úıdiń qurylysy júrgizilip jatyr. Odan basqa 72 páterli úsh úı men 100 úıden turatyn kotej qalashyǵyn salý jospary bar.
Memleket basshysynyń tapsrymasymen qolǵa alynǵan «50-10-20» baǵdarlamasy adamdarǵa óte yńǵaıly. Turǵyn-úı qurylys jınaq bankinen jeke shot ashyp, páterdiń jalpy qunynyń 10 paıyzyn jınasańyz, 20 jylǵa deıin 5 paıyzdyq jeńildikpen nesıe alyp, baspana satyp alýǵa bolady. Baǵdarlamany “Turǵyn úı qurylys jınaq banki” aıasynda birinshiden, úı kezeginde turǵandar ilinedi. Ekinshiden, memlekettik qyzmetkerler, áskerıler jáne búdjettik sala mamandary. Úshinshiden, tolyq emes otbasylar, kóp balaly otbasylar jáne múgedek bala tárbıelep otyrǵandardar paıdalana alady.
