Ile Alataýy memlekettik ulttyq tabiǵi parkiniń 30 jyldyǵyna orai, parktiń aýmaǵynda jańa «Butaqty» vizit-ortalyǵynyń saltanatty ashylýy ótti, dep habarlaidy Dalanews.kz
Joba turaqty týrizmdi damytý jáne týristik infraqurylymdy jańǵyrtý aiasynda «Týranga Grýpp» kompaniiasy men «Ile Alataýy» ulttyq parkiniń seriktestigimen júzege asyrylǵan. Jobany iske asyrý barysynda Almaty qalasy ákimdigi tarapynan injenerlik infraqurylymǵa qoldaý kórsetilgen.
Vizit-ortalyqtyń ashylý rásimine Orman sharýashylyǵy jáne janýarlar dúniesi komitetiniń tóraǵasy Daniiar Turǵambaev qatysty.
Keshen eki bólikten turady: negizgi vizit-ortalyq jáne «Butaqty» atty kafe. Kafe jobanyń seriktesi – kásipker ári ekoaktivist Sergei Spitsynnyń basqarýynda.
zamanaýi sanitarlyq toraptar, tamaqtaný aimaǵy, timbilding jáne sheberlik sabaqtaryna arnalǵan alańdar, ashyq aýada bilim berý jáne mádeni baǵdarlamalar, sondai-aq ulttyq parkke arnalǵan sývenirlik ónimder men brendtelgen taýarlar usynylady.
Joba aiasynda QazaqNationalParks brendimen jumys isteitin 6 vizit-ortalyq qyzmet etedi. Investorlardyń jalpy salymy 8,5 mlrd teńgeni qurap, 200-ge jýyq turaqty jumys orny ashylǵan. Onyń ishinde «Butaqty» ortalyǵynda 20 jańa jumys orny qurylǵan.
Jalpy, mundai jobalar ekologiialyq týrizmdi damytýǵa, tabiǵatty qorǵaý mádenietin qalyptastyrýǵa jáne halyqqa qoljetimdi demalys infraqurylymyn jasaýǵa baǵyttalǵan.
