Ile-Alataýy memlekettik ulttyq tabiǵi parkinde ornatylǵan fototuzaqtar Qazaqstannyń Qyzyl kitabyna engen Túrkistan sileýsinin jańa aýmaqta alǵash ret tirkedi, dep habarlaidy dalanews.kz.
Sirek kezdesetin jyrtqysh buryn turaqty túrde baqylaýǵa alynǵan jerlerde ǵana emes, osyǵan deiin múlde kezdespegen basqa bir shatqalda da kamera obektivine ilingen.
Ulttyq park mamandary qazir fototuzaqtarǵa túsken jazbalardy jan-jaqty zerttep jatyr. Olar kadrǵa qansha sileýsin túskenin anyqtap, olardyń qozǵalys baǵyttaryn baqylaýdy jáne túrdiń taralý aimaǵynyń naqty shekarasyn aiqyndaýdy kózdep otyr.
Mamandardyń aitýynsha, bul derekter Qyzyl kitapqa engen Túrkistan sileýsininiń popýliatsiiasyn qorǵaý men ǵylymi zertteý jumystaryn jetildirýge mańyzdy úles qospaq.
