Ishki ister ministriniń orynbasary Sáken Sársenov jumys saparymen Túrkistan oblysyna baryp, Politsiia departamentiniń jeke quramymen jedel keńes ótkizdi, dep habarlaidy Dalanews.kz.
Kezdesý barysynda vedomstvonyń 2024 jylǵy qyzmetiniń qorytyndylary talqylandy.
Politsiia departamentiniń bastyǵy Murat Qabdenov baiandama jasap, atqarylǵan jumystar týraly málimet berdi.
Sáken Sársenov birqatar kemshilikke nazar aýdaryp, berilgen tapsyrmalar men mindetterdi ýaqytyly oryndaýdyń mańyzyn atap ótti. Jetekshilik qyzmettegi keibir tulǵalarǵa qatysty sharalar qabyldanǵany habarlandy. Sonymen qatar qylmystar men quqyq buzýshylyqtardyń aldyn alý, zańdylyq pen tártipti qamtamasyz etý boiynsha jumysty kúsheitýdi tapsyrdy.
Sapar aiasynda IIM orynbasary jedel basqarý ortalyǵynyń tsifrlyq sheshimderin tekserip, oblystaǵy beinebaqylaý kameralarynyń jumysymen tanysty. Osy tusta ol departamenttiń zamanaýi tsifrlyq tehnologiialardy qoldaný nátijelerine joǵary baǵa berdi. Oǵan Túrkistan oblysy Ekonomika jáne biýdjettik josparlaý basqarmasynyń basshysy Q.Qaiypbek pen Tsifrlandyrý basqarmasy basshysynyń orynbasary S.Baiǵutov qatysty.
Jumys sapary oblys ákimdiginde jalǵasyp, IIM orynbasary Sáken Sársenov oblys ákimi N.Kósherovpen kezdesti. Sondai-aq ákim apparatynyń jetekshisi E.Dáýilbaevpen jáne Tsifrlandyrý, memlekettik qyzmet kórsetý jáne arhivter basqarmasynyń basshysy M.Ainabekovpen kezdesý ótkizdi.
“Tsifrlandyrý – qazirgi kezeńdegi aýqymdy reforma. Politsiianyń kúndelikti qyzmetinde zamanaýi tehnologiialardy keńinen qoldaný – Memleket basshysynyń ishki ister organdaryna qoiǵan basty mindetteriniń biri”, – dep atap ótti Sáken Sársenov.
Kezdesý barysynda taraptar aldaǵy birlesken jumys josparyn talqylady.
