Almatyda politseiler tyiym salynǵan zattardyń jarnamasyn taratýdyń kezekti jolyn toqtatty. «Qarasora-2026» jedel-profilaktikalyq is-sharasy aiasynda Esirtki qylmysyna qarsy is-qimyl basqarmasynyń qyzmetkerleri 40 jastaǵy er adamdy ustady, dep habarlaidy dalanews.kz.
Onyń janynan esirtki jarnamasy jáne internet-dúkenge siltemesi bar 60 stiker, sondai-aq uialy telefon tabyldy. Barlyq zat tárkilendi. Ustalǵan er adamnyń aitýynsha, ol bir aiǵa jýyq ýaqyt boiy osyndai stikerlerdi japsyryp, eńbegine tyiym salynǵan esirtki zattaryn alyp otyrǵan. Sondai-aq esirtki zattaryn uzaq ýaqyt boiy qoldanǵanyn aitqan.
Endi tergeý barysynda bul jarnamalardyń naqty qai jerlerge taratylǵany jáne olardy ornalastyrýdy kim uiymdastyrǵany anyqtalady. Atalǵan fakti boiynsha qylmystyq is qozǵaldy. Tárkilengen materialdar iske tirkeldi. Ustalǵan azamat qamaýǵa alyndy.
Politsiia qala kósheleri men ǵimarattardyń qabyrǵalary esirtki saýdasynyń jarnamasyna ainalmaýy tiis ekenin eskertti.
