Almaty mańyndaǵy taýda joǵalyp ketken 73 jastaǵy shetel azamatyn izdeý jumystary jalǵasyp jatyr. Týrist 28 qyrkúiekte Talǵar asýy mańynda, shamamen 3200 metr biikte iz-túzsiz ketken, dep habarlaidy dalanews.kz.
Tótenshe jaǵdailar ministrliginiń málimetinshe, er adam bir top adammen birge «Shymbulaq» aspaly joly arqyly taýǵa kóterilgen. Keiin serikterine saparyn jalǵyz jalǵastyryp, qalaǵa óz betimen túsetinin aitqan. Alaida ol qonaqúige qaityp oralmaǵan.
Týristiń joǵalǵany týraly habar "112" qyzmetine 29 qyrkúiekte túsken. Osydan keiin izdeý-qutqarý operatsiiasy bastalyp, Almaty qalalyq Tótenshe jaǵdailar departamenti janynan jedel shtab qurylǵan.
"Izdeý jumystaryna 50-ge jýyq adam, segiz tehnika, jeti ushqyshsyz ushý apparaty, úsh kinologiialyq eseptop jáne “Qazaviaqutqarý” tikushaǵy jumyldyryldy", - delingen ministrlik habarlamasynda.
Qutqarý operatsiiasyna TJM bólimshelerimen qatar Almaty qalasynyń monitoring jáne jedel áreket etý ortalyǵy, "Barys" respýblikalyq jedel-qutqarý jasaǵy, politsiia qyzmetkerleri men eriktiler qatysyp jatyr.
Tikushaq ekipajy Talǵar shatqalynyń sol jaq bóligin, Bogdanovich muzdyǵyn, oǵan irgeles shatqaldardy, taý asýlary men shyńdarǵa aparatyn baǵyttardy áýeden teksergen. Al drondar jetýi qiyn aýmaqtar men taý soqpaqtaryn sholýǵa paidalanylyp jatyr.
Sonymen birge mamandar beinebaqylaý kameralaryndaǵy jazbalardy qarap, osy aýmaqta bolǵan týristerden aqparat jinaýda. Taýdyń kúrdeli bederi men keibir ýchaskelerge jetýdiń qiyndyǵyna qaramastan, izdeý jumystary táýlik boiy júrgizilip jatyr.
