Densaýlyq saqtaý mınıstrligi nashaqorlyqqa táýeldi azamattardy májbúrli emdeýden bas tartý máselesin qarastyryp jatyr. Alaıda bul bastamany İshki ister mınıstrligi qoldaǵan joq. Bul týraly İİM basshysy Erjan Sádenov málimdedi, dep habarlaıdy Dalanews.kz.
Onyń aıtýynsha, elde májbúrli emdeý rásimi tym búrokratıalyq sıpatqa ıe. Osyǵan baılanysty Densaýlyq saqtaý mınıstrligi jumysty jeńildetý maqsatynda birqatar shara usynǵan. Atap aıtqanda, "bir tereze" qaǵıdaty boıynsha arnaıy komısıa qurý jáne medısınalyq emdeý ádistemeleri men protokoldaryn qaıta qaraý kózdelgen.
Sonymen qatar Sádenovtyń aıtýynsha, elde táýeldi azamattarǵa arnalǵan arnaıy medısınalyq mekemelerdiń tapshylyǵy baıqalady. Qazirgi ýaqytta Qazaqstanda osyndaı 20 uıym jumys isteıdi, alaıda qajettilik boıynsha taǵy 14 mekeme ashý qajet.
Mekemelerdiń jetispeýshiligine baılanysty 422 sot sheshimin oryndaý múmkin bolmaǵan.
