Úkimet otyrysynda Ishki ister ministri Erjan Sádenov týristerdiń qaýipsizdigin qamtamasyz etý boiynsha qabyldanyp jatqan sharalar týraly aitty, dep habarlaidy Dalanews.kz.
QR IIM baspasóz qyzmetiniń habarlaýynsha, týristik aimaqtarda týristik politsiia bólinisteri jumys isteidi.
Qyzmetkerler shet tilderin meńgergen, tanymal oryndar men ulttyq parkterde qyzmet atqarady, qoǵamdyq tártipti qamtamasyz etip, keńes beredi.
Týristik nysandarda beinebaqylaý kameralary men dabyl túimeleri ornatylǵan. Jeke tasymaldaýmen zańsyz ainalysý faktileriniń joly kesilip, turaqty túrde jedel-aldyn alý sharalary ótkiziledi, tranzittik júrgizýshilerge kómek kórsetiledi. IIM Týrizm ministrligimen týroperatorlar jáne TJM-men týristik marshrýttardaǵy qaýipsizdik máseleleri boiynsha ózara jumys isteidi.
"Qazaqstanǵa keletin sheteldik azamattardyń qaýipsizdigin arttyrý baǵytyndaǵy jumys jalǵasyn tabady", — dep atap ótti Erjan Sádenov.
Aita ketsek, Týrizm indýstriiasy komitetiniń málimetinshe, Qazaqstanǵa TMD-dan tys Qytai, Úndistan, Túrkiia, Germaniia, Ońtústik Koreia azamattary jii saiahattap keledi.
