Ishki ister ministrligi qoǵamdyq oryndarda azamattardyń bet-júzdi tanýǵa kedergi keltiretin kiimderdi kiiýge tyiym salý talabyn saqtaýyn qamtamasyz etýdi jalǵastyrýda, dep habarlaidy dalanews.kz.
Bul norma "Quqyq buzýshylyq profilaktikasy" zańynyń 75-baby 3-tarmaǵynda kózdelgen. Adamnyń túr-sipatyn kózben tanýǵa kedergi keltiretindei dárejede betti jabatyn kiimderdi kiiý quqyq buzýshylyq bolyp sanalady. Tyiym aýa raiy jaǵdailaryna jáne meditsinalyq usynymdarǵa qatysty qoldanylmaidy. Sondai-aq qyzmettik mindetterdi atqarý, sporttyq jáne mádeni is-sharalarǵa qatysý kezinde de tyiym salynbaidy. Jaýapkershilik Ákimshilik quqyq buzýshylyq týraly kodekstiń 434-3-babynda belgilengen. Atap aitqanda, alǵashqy quqyq buzýshylyq úshin eskertý qarastyrylǵan. Bir jyl ishinde qaitalanǵan jaǵdaida 10 ailyq eseptik kórsetkish mólsherinde aiyppul salynady.
– Tyiym tek qoǵamdyq qaýipsizdikti qamtamasyz etýge baǵyttalǵanyn jáne bet-júzdi jasyratyn kez kelgen kiim túrine qatysty qoldanylatynyn atap ótemiz. Ishki ister organdary Zań men Tártipti qamtamasyz etý jumystaryn jalǵastyryp, azamattardy qoǵamdyq oryndarda belgilengen erejelerdi saqtaýǵa shaqyrady, – dedi IIM.
