Almatydaǵy rezonansty jol-kólik oqiǵasy Ishki ister ministrliginiń erekshe baqylaýyna alyndy, dep habarlaidy DalaNews.
IIM málimetinshe, apat faktisi boiynsha qylmystyq is qozǵalǵan. Kúdikti júrgizýshige qatysty sot sanktsiiasymen qamaý sharasy qoldanylǵan.
Ministrlik ókilderiniń aitýynsha, júrgizýshi apat kezinde jeńil dárejede alkogoldik mas kúide bolǵan.
Sonymen qatar, ministrdiń tapsyrmasymen qyzmettik tekserý bastalǵan. Onyń obektivti ótýi úshin Almatyǵa ishki qaýipsizdik departamenti, ákimshilik politsiia komiteti jáne kadr jumysy departamentiniń basshylary jiberilgen.
IIM sondai-aq memlekettik nómir belgilerin zańsyz berý faktisi boiynsha da qylmystyq is qozǵalǵanyn habarlady. Budan bólek, politsiia basshylyǵynyń bir ókiline qatysty áreketsizdik deregi boiynsha is qozǵalyp, ol ýaqytsha ustaý izoliatoryna qamalǵan.
Anyqtalǵan kemshilikterge bailanysty birqatar kadrlyq sheshimder qabyldandy. Atap aitqanda, Almaty qalalyq politsiia departamenti basshysynyń orynbasary, sondai-aq ákimshilik politsiia men qoǵamdyq qaýipsizdik basqarmalarynyń jetekshileri qyzmetinen bosatyldy.
IIM barlyq mán-jai jan-jaqty tekseriletinin jáne qajet bolǵan jaǵdaida jaýapkershilikke tek tikelei qatysýshylar ǵana emes, sonymen qatar áreketi nemese áreketsizdigi arqyly jaǵdaiǵa yqpal etken laýazymdy tulǵalar da tartylatynyn málimdedi.
Sonymen birge, ministrlik azamattardy tekserilmegen aqparatty taratpaýǵa shaqyrdy.
Aita keteiik, buǵan deiin Almaty politsiiasy kúdiktiden alynǵan saraptama nátijeleri kútilip jatqanyn málimdegen edi. Al IIM óz kezeginde júrgizýshiniń mas bolǵanyn rastady.
