Human Rights Watch uiymy bloger Temirlan Eńsebekke qatysty aiyptardy joiýǵa jáne ony bosatýǵa shaqyrdy, dep habarlaidy Dalanews.kz.
Human Rights Watch (HRW) Qazaqstan úkimetinen Temirlan Eńsebekke qatysty aiyptardy alyp tastap, ony túrmeden bosatýdy talap etti.
Quqyq qorǵaýshylar bul qylmystyq qýdalaýdy shekten tys dep sanaidy. Olardyń aitýynsha, blogerdiń jariialaǵan jazbalarynda zorlyq-zombylyqqa nemese kemsitýshilikke shaqyrý bolmaǵan. Al, Qylmystyq kodekstiń 174-babyn («arazdyqty qozdyrý») sóz bostandyǵyn shekteý úshin paidalanyp otyr. Human Rights Watch bul Eńsebektiń birinshi ret qýdalanýy emestigin eske saldy: 2021 jyly oǵan jalǵan aqparat taratty degen aiyp taǵylyp, keiin is jabylǵan bolatyn.
- Qarapaiym tilmen aitqanda, bul jerde eshqandai qylmys joq, tek bilik tarapynan qylmystyq quqyqty asyra paidalaný bar. Qazaqstan úkimeti Eńsebekke qatysty negizsiz jáne shekten tys qylmystyq «arandatýshylyq» aiypty tez arada joiýy jáne ony sotqa deiin qamaýdan bosatýy qajet, – dedi Human Rights Watch uiymynyń Ortalyq Aziia boiynsha aǵa zertteýshisi Mira Rittmann.
Human Rights Watch Qazaqstan úkimetin sóz bostandyǵyn qorǵaýǵa jáne blogerge qarsy qylmystyq qýdalaýdy toqtatýǵa shaqyrdy.
QazNews24 satiralyq pabliginiń avtory Temirlan Eńsebekti politsiia 17 qańtarda úiine tintý júrgizgennen keiin ustap áketken. 18 qańtarda Eńsebek eki aiǵa qamaýǵa alyndy. Oǵan «ultaralyq alaýyzdyq qozdyrdy» degen aiyp taǵylyp otyr. Politsiia qylmystyq istiń sebebi – ultaralyq arazdyqty qozdyrý jáne etnostardyń biriniń ókilderin qorlaý belgileri bar materialdy jariialaý bolǵan. «Ioý, orystar» ánin Eńsebek pabligindegi bir postqa paidalanǵany habarlanady.
