Gúlmira Satybaldynyń taǵy qandai iske qatysy bar? Antikor ókili jaýap berdi, – dep habarlaidy Dalanews.kz.
Sybailas jemqorlyqqa qarsy qyzmettiń resmi ókili Daniiar Begaidarov "Vostochka" turǵyn úi kesheniniń qurylysyna qatysty iske bailanysty jańa málimetterdi jariialady.
Agenttik ókili Antikor Gúlmira Satybaldynyń osy iske qatysy bar-joǵyn tergep jatqanyn rastady.
"Agenttik "Vostochka" kópfýnktsionaldy turǵyn úi keshenin salý kezindegi zańsyz áreketter deregi boiynsha Gúlmira Satybaldy men basqa da adamdarǵa qatysty qylmystyq isti tergep jatyr", - dedi Antikordyń resmi ókili Astanada ótken brifingte.
Aita keteiik, "Vostochka" turǵyn úi keshenine kiretin 24 úidiń qurylysyna bailanysty epizod Gúlmira Satybaldy isi boiynsha byltyr maýsymda qaralǵan bolatyn. Ol kezde bul úilerdiń "Nurly jer" baǵdarlamasy aiasynda "Samuryq-Qazynamen" kelisimshart negizinde BAUR Development Group kompaniialar tobyna kiretin bir kompaniia arqyly salynǵany aitylǵan edi.
Eske salaiyq, 2023 jyly Gúlmira Satybaldyǵa eki ret sot úkimi shyqqan edi.
- 2023 jyly maýsymda Qyzylorda soty "Bótenniń múlkin iemdený jáne jymqyrý" baby boiynsha aiyptalǵan Gúlmira Satybaldyny 8 jylǵa bas bostandyǵynan aiyrdy.
- Onyń aldynda Astana soty "Adam urlaý" (125-bap) jáne "Ózinshe bilik etý" (339-bap) baptary boiynsha aiyptalǵan Gúlmira Satybaldyny 7 jylǵa sottaǵan bolatyn.
