"Gúl urysy" retinde tanymal bolǵan burynǵy politsiia qyzmetkeri taǵy da áleýmettik jelilerdiń juldyzyna ainaldy. Qaznette er adam áieldiń telefonyn tartyp alyp, onyń qaitar degenin elemeitin video tarady, - dep habarlaidy Dalanews.kz.
Jergilikti Elitar basylymy málimetinshe, video keiipkeri 2023 jyly Shymkenttegi gúl dúkeninde jónsiz áreket jasady dep aiyptalǵan politseige uqsaidy.
Bul jolǵy oqiǵa Shymkent qalasyndaǵy meiramhanalardyń birinde bolǵan. Telefonyn qaitarýdy suraǵan áielge burynǵy politsiia qyzmetkeri kúlimsirep, jaýap bermeidi.
"Ákel telefonymdy. Telefondy alyp kel dedim saǵan! Ishkenińe tólei almaisyń ǵoi qazir. ...Myna kisi aityp jatyr me edińder? Ishkenine tólep alsyn. Meniń telefonymdy kepilge tastamaqshy. Jaqsylap telefonǵa túsirshi. Sol gúlge aqsha tólei almaityn jigit qoi", - dedi videoda áiel.
Kadrlardan oqiǵa kýágerleri áielge kómekteskisi kelgeni kórinedi. Alaida er adam olardyń da sózine qulaq aspaidy.
“Meniń telefonym, sony ala sal. Saǵan syiladym. Mende telefon joq, kólikte”, – deidi er adam.
Sonymen qatar, jeli qoldanýshylary burynǵy politsiia qyzmetkeri ótken jolǵy áreketi úshin eshqandai jaza almaǵanyna jáne ol basqa adamdardyń zattaryn alyp qoiatyn ádetin qoimaǵanyna narazy bolǵan.
Aita keteiik, buǵan deiin videodaǵy adamnyń Shymkenttegi gúl dúkenindegi oqiǵaǵa qatysy bolǵan edi. Er adam florist qyzǵa qol kóterip, aqysyn tólemei bir qushaq gúldi alǵan.
Sol kezde Ishki ister ministrligi eki bap boiynsha kinálini jaýapqa tartýǵa ýáde berdi: "tonaý" jáne "salǵyrttyq".
