BAQ-ta Grekiiada qazaqstandyqtar orman órtine sebep bolǵany týraly aqparat taraǵan edi. Qazaqstannyń Syrtqy ister ministrligi osy aqparatqa qatysty pikir bildirdi, - dep habarlaidy Dalanews.kz.
Oqiǵa Grekiianyń basty týrizm ortalyqtarynyń birinde bolǵan. Aralǵa demalýǵa kelgender iahtadan otshashý atqan, artynsha bul orman órtine sebep bolǵan.
Gidra meri Giorgos Kýkýdakis ákimshilik órtti uiymdastyrǵan sheteldikterdi sotqa berýge nietti ekenin de aitqan.
Orda.kz málimetinshe, iahtany jalǵa alǵan kásipker Daniiar Abylǵazin.
"Keiinirek iahtany Daniiar Abylǵazin jalǵa alǵany belgili boldy, alaida keiin ol Qazaqstanda ekeni habarlandy", - dep jazdy basylym.
Degenmen Qazaqstannyń Syrtqy ister ministrligi ustalǵandar arasynda Qazaqstan azamattary joq ekenin málimdedi.
"Qazaqstannyń konsýly bul aqparat jariialanǵannan keiin osy iske qatysty birden Grekiia biligine habarlasty. Politsiianyń málimetine sáikes, ustalǵandar arasynda Qazaqstan azamattary joq jáne olarǵa eshqandai da talaptar qoiylmaǵan", - dep jazylǵan vedomstvo habarlamasynda.
