Golovkin: «Olar meni dopingke bes ret tekserdi»
– Árine, barlyǵyna taza jaýynger ekenimdi kórsetkim keledi. Boks sporttyń taza túri bolýy tiis. Olar meni bes ret tekserdi. Menińshe, árbir boksshy osylai jasaýy tiis. Alǵa, jigitter! – dedi Golovkin.
Eske salaiyq, 18 naýryz kúni Niý-Iorktiń Madison Square Garden arenasynda Golovkin amerikalyq boksshy Deniel Djeikobsqa qarsy jekpe-jek ótkizedi. Qazaqstandyq telearnalar aiqasty tikelei efirden kórsetedi. Qazaqstandyq sportshy budan keiingi kezdesýin Qazaqstanda ótkizgisi keletindigin aitqan bolatyn. «Jekpe-jekti úige alyp kelgim keledi, sebebi, ony árqaisysy óz kózimen kórýdi qalaidy, tarih úshin. Bul keremet qoi, adamdar muny sezingisi keledi. Men óz halqymdy qatty qurmetteimin. Olar meni udaiy qoldap otyrady, bul óte mańyzdy», – dep atap ótti Golovkin.
Biraq jekpe-jektiń boljaldy ýaqyty men GGG yqtimal qarsylasy týraly ázirge aitylmaýda. Keibir BAQ-tar bul kezdesýde Golovkinniń qarsylasy WBO belbeýiniń iegeri britandyq Billi Djo Sonders (24-0, 12 KO) bolýy múmkindigin jazǵan edi.
Buǵan deiin habarlaǵanymyzdai, «Astana EKSPO-2017» Ulttyq kompaniiasynyń tóraǵasy Ahmetjan Esimov QR eńbek sińirgen sport sheberi Gennadii Golovkinmen kezdesip, onymen EKSPO-2017 kórmesine orai boks-ivent ótkizý múmkindigin talqylady. Keiin bul máseleni Mádeniet jáne sport ministri Arystanbek Muhamediuly da kótergen edi.
