WBA Super, WBC, IBF jáne IBO nusqasy boıynsha orta salmaqtaǵy álem chempıony, qazaqstandyq Gennadıı Golovkın men meksıkalyq Saýl «Kanelo» Alvarest arasyndaǵy jekpe-jek AQSH-tyń Las-Vegas qalasynda ótedi, – dep xabarlaıdy QazAqparat VKontakte jelisindegi "Gennadıı GGG Golovkın" tobyna silteme jasap.

Kópten kútken jekpe-jek Las-Vegas qalasyndaǵy "T-Mobile Arena" kesheninde ótedi. Dál sol jerde búgin Saýl "Kanelo" Alvares óziniń jerlesi – kishi Chavesti upaı sanymen utqan bolatyn.

Aıta keteıik, atalǵan jekpe-jekten keıin Saýl Alvares rıngke Gennadıı Golovkındi shaqyrdy. Sol jerde eki boksshy aǵymdaǵy jyly 16 qyrkúıek kúni judyryqtasatyndaryn jarıalady.

«Bul joly basqa oqıǵa bolady. Qyrkúıekte Big Drama Show bolady. Saýldi búgingi jeńisimen quttyqtaımyn. Ol meniń mansabymdaǵy eń úzdik qarsylasym bolady. Qyrkúıekti kútińizder. "Kaneloǵa" ne deımin? Qyrkúıekte kezdeskenshe!»  – dedi Golovkın rıngte komentator jáne HBO júrgizýshisi Maks Kellermannyń suraǵyna jaýap bere otyryp. Osydan keıin eki boksshynyń komandalary baspasóz máslıxatyn ótkizdi. Sol jerde Golovkın jáne Alvares alǵash ret kóz arbasty.