Almatyda qorǵanys ministri Golan jotalaryna jiberiletin bitimgerlerdiń daiyndyǵyn tekserdi, dep habarlaidy Dalanews.kz.
Almatyǵa jumys sapary barysynda qorǵanys ministri, aviatsiia general-leitenanty Dáýren Qosanov BUU-nyń Golan jotalaryndaǵy missiiasyna barýǵa daiyndalyp jatqan 3-shi ulttyq bitimgerlik kontingenttiń áskeri qyzmetshilerimen kezdesti.
Bólimshe komandiri, podpolkovnik Iliias Almatov jeke quramnyń qoiylǵan mindetterdi oryndaýǵa ázirligin baiandady.
"Daiyndyq halyqaralyq standarttarǵa sai júrgizilip jatyr. Jeke quram missiia aimaǵyna attanýǵa tolyq daiyn", - dedi ol.
Áskeri qyzmetshilerge arnaǵan sózinde qorǵanys ministri aldaǵy missiianyń mańyzyn atap ótti.
"Bitimgerlik operatsiiaǵa qatysý - úlken mártebe ári zor jaýapkershilik. Qazaqstandyq kontingent el basshylyǵy men BUU missiiasy qolbasshylyǵynyń senimi men qurmetine ie. Sizder elimizdi laiyqty túrde tanytasyzdar dep senemin", - dedi aviatsiia general-leitenanty Dáýren Qosanov.
