الماتىدا قورعانىس مينيسترٸ گولان جوتالارىنا جٸبەرٸلەتٸن بٸتٸمگەرلەردٸڭ دايىندىعىن تەكسەردٸ, دەپ حابارلايدى Dalanews.kz.
الماتىعا جۇمىس ساپارى بارىسىندا قورعانىس مينيسترٸ, اۆياتسييا گەنەرال-لەيتەنانتى دەۋرەن قوسانوۆ بۇۇ-نىڭ گولان جوتالارىنداعى ميسسيياسىنا بارۋعا دايىندالىپ جاتقان 3-شٸ ۇلتتىق بٸتٸمگەرلٸك كونتينگەنتتٸڭ ەسكەري قىزمەتشٸلەرٸمەن كەزدەستٸ.
بٶلٸمشە كومانديرٸ, پودپولكوۆنيك ٸليياس الماتوۆ جەكە قۇرامنىڭ قويىلعان مٸندەتتەردٸ ورىنداۋعا ەزٸرلٸگٸن باياندادى.
"دايىندىق حالىقارالىق ستاندارتتارعا ساي جٷرگٸزٸلٸپ جاتىر. جەكە قۇرام ميسسييا ايماعىنا اتتانۋعا تولىق دايىن", - دەدٸ ول.
ەسكەري قىزمەتشٸلەرگە ارناعان سٶزٸندە قورعانىس مينيسترٸ الداعى ميسسييانىڭ ماڭىزىن اتاپ ٶتتٸ.
"بٸتٸمگەرلٸك وپەراتسيياعا قاتىسۋ - ٷلكەن مەرتەبە ەرٸ زور جاۋاپكەرشٸلٸك. قازاقستاندىق كونتينگەنت ەل باسشىلىعى مەن بۇۇ ميسسيياسى قولباسشىلىعىنىڭ سەنٸمٸ مەن قۇرمەتٸنە يە. سٸزدەر ەلٸمٸزدٸ لايىقتى تٷردە تانىتاسىزدار دەپ سەنەمٸن", - دەدٸ اۆياتسييا گەنەرال-لەيتەنانتى دەۋرەن قوسانوۆ.
