Úkimet otyrysynda Ǵylym jáne joǵary bilim ministri Saiasat Nurbek ǵylymi jobalardyń úlesi artyp kele jatqanyn málimdedi, dep habarlaidy Dalanews.kz.
Ministrdiń aitýynsha, 2016 jyldan beri Ǵylym qory ǵylymi ázirlemelerdi kommertsiialandyrý boiynsha 6 konkýrs ótkizgen. Osy ýaqyt ishinde 2 148 ótinimniń 1 681-i saraptamadan ótip, 416 joba maquldanǵan. Onyń ishinde 386 joba qarjylandyrylyp, qazirgi tańda 208-i sátti júzege asýda.
“Búginde 25 joba eksportqa shyqty, altaýy 1 mlrd teńgeden astam satylym kólemine jetti. Jalpy, ǵylymi jobalardyń ekonomikaǵa qosqan úlesi 118,4 mlrd teńgeni qurady. Alaida sońǵy úsh jylda kommertsiialandyrýǵa qarjylandyrý da, qosa qarjylandyrý da qarastyrylmady. Biyldan bastap bul baǵytqa qarjy bólindi”, — dedi Saiasat Nurbek.
Buǵan deiin ministr elimizdegi ǵalymdarǵa jasalyp jatqan jaǵdailar týraly da baiandaǵan bolatyn.
