«Jer týraly ǵylym, metallýrgiia jáne qaita óńdeý» AQ-y men «Parasat» memholdingi ǵalymdary elektr qýatyn beretin eski shamdardy qaita óńdeýdiń jolyn oilap tapqandaryn málim etti. Otandyq ǵalymdardyń oilap tapqan jańa qondyrǵysy shamdardyń quramyndaǵy ýly zattardy bólip alyp, qorshaǵan ortaǵa keltiretin ziianyn tolyqtai joiady. Búginde qondyrǵy «Astana – jańa qala» erkin ekonomikalyq aýmaǵynda ornatylýda. Mamandar qondyrǵy bir táýlikte 4 myń shamdy óńdeitin múmkindikke ie ekenin aitady.
NANOROBOT EMDEIDI
Ǵylymi-tájiribelik jumys zerthanalyq jaǵdaida júzege asqan. Ǵalymdar bulshyq ettiń aýyrǵan jerine nanorobottyń kómegimen qajetti dárini dál jetkizip, basqa aýmaqtarǵa dáriniń keri áser etýine jol bermegen. Ǵalymdar aldaǵy ýaqytta nanorobottardyń kómegimen túrli aýrýlardy emdeýge bolatynyn jetkizdi. Birinshi kezekte nanorobottar túrli isik aýrýlaryn emdeýge keń kólemde qoldanylýy múmkin.
JANARMAIDYŃ JAŃA TÚRI
Almatylyq ǵalym Jánibek Shámelhanov tabiǵi mai kózderinen dizel otynyn alatyn jańa qondyrǵy oilap tapty. Ónertapqysh týyndysy qalaly jerdegi ekologiialyq máselelerdi sheshýge septesedi.
Ózge mineraldy janarmailarmen salystyrǵanda, dizel otynynyń jańa túriniń janǵyshtyq qasieti men tiimdiligi ǵalymnyń nazaryn aýdarǵan. Onyń ústine, janarmaidyń quramynda qorshaǵan ortaǵa zalal keltiretin aýyr metall men kúkirt múlde joq.
