Fedaraldyq keńeske Býndestag jáne federaldyq jerlerdiń ókilderi kiredi.
Shtainmaierdiń kandidatýrasyn Germaniia sotsial-demokratiialyq partiiasy, Erkin demokrattar jáne «Jasyldar» partiiasymen qatar HDS/HSS oppozitsiialyq odaǵy qoldady. Ony «Germaniia úshin balama» men «Solshyldar» partiiasyndaǵy ońshyl popýlistter qoldamady.
Nátijesinde Shtainmaierge 1425 depýtattyń ishinen 1045-i daýys berdi. Deutsche Welle habarlaǵandai, keńestiń 86 múshesi daýys berý quqyǵyn paidalanbady.
Ekinshi ret prezident bolyp sailanǵannan keiin Shtainmaier demokratiiany qorǵaý mańyzdy ekenin aityp, Eýropada qazir soǵys qaýipi turǵanyn jetkizdi. Onyń sózinshe, buǵan Resei jaýapty. Ol bul qaýipten shyǵýdyń jolyn birigip izdeýge shaqyrdy.
Shtainmaier 66 jasta. Ol osyǵan deiin Germaniianyń syrtqy ister ministri jáne vitse-kantsleri bolǵan.
Germaniiada bilik negizinen kantslerde bolǵanymen, prezidenttik qyzmet moraldyq bilik retinde sanalady.
