11 aqpan kúni Almaty qalalyq memlekettik kirister departamenti «Jetisý» keden beketiniń halyqaralyq poshta jóneltý bóliminde kezekti kedendik tekserý júrip jatqan bolatyn. Kenet «Rapıskan» rentgendik skaner apparatynan ótip bara jatqan qorap ishinen aq untaqqa uqsas zat kórindi.

Qorapty tekserýge ıisshil ıtti jibergende, onyń ishinde esirtki zat jatqany málim boldy. Sodan keıin álgi qorapty ashyp, kúdik týdyrǵan aq untaq fızıka-hımıalyq saraptamaǵa jiberildi. Jedel júrgizilgen saraptama qorytyndysy onyń júıkege qatty áser etetin, esirtkilik fensıklıdın preparaty bolyp shyqty.  Jalpy salmaǵy 20 kelini qurady. Atalmysh qorap Germanıadan tranzıt prosedýrasy boıynsha Qyrǵyzstannyń astanasy Bishkek qalasyna baǵyttalǵan eken.

Fensıklıdın – narkoz berý kezinde kúre tamyr arqyly jiberiletin sıntetıkalyq farmakologıalyq preparat bolyp tabylady. Ony paıdalaný adamnyń psıhıkasyna óte qatty áser etetini sonshalyq, paıdalanǵan adam  kózi qaraýytyp, mańaıyndaǵylaryn tanymaı, shynaıy ómirden bezýshilik qareketine deıin barýy múmkin. Preparattyń kúshi adamnyń boıynda 2 saǵattan 24 saǵatqa deıin saqtalady. Sondyqtan da qazirgi ýaqytta atalmysh preparattyń óndirilýi qatań halyqaralyq baqylaýǵa alynǵan.

Bundaı esirtkilik preparattyń ustalýy halyqaralyq poshta jóneltý bólimindegi birinshi jaǵdaı emes. Atap aıtsaq, ústimizdegi jyldyń bir aıdan astam ýaqytynyń ózinde ǵana halyqaralyq poshta arqyly osyǵan uqsas 12 fakti ustalyp, prosesýaldyq sheshim qabyldaý úshin ekonomıkalyq tergeý qyzmetiniń óndirisine berildi.

Al 2015 jyly  bolsa quramynda esirtkilik zattar bar preparattardy ótkizýge tyrysqan 38  fakti, qarý-jaraq pen sýyq qarý  jáne onyń aksesýarlaryn ótkizýge tyrysqan 22 fakt áshkerelendi. Buǵan qosa aqparatty jasyryn jolmen alatyn birneshe arnaıy tehnıkalyq quraldar men tyıym salynǵan ádebıetter ustaldy. Sóıtip, «Jetisý» keden beketiniń qyzmetkerleri elimizdiń ulttyq qaýipsizdigin, el tynyshtyǵyn jáne ult densaýlyǵyn qorǵaý maqsatynda qyraǵylyq tanytyp, qyzmettik mindetterin abyroımen atqarýda.

Almaty qalalyq memlekettik kirister departamentiniń baspasóz qyzmeti