Májilis kýlýarynda jýrnalister ishki ister ministri Erjan Sádenovke marqumnyń týystary birneshe ret IIM-ge Qazaqstanda tergeý bastaý týraly ótinishpen júgingenin, biraq únemi bas tartý alǵanyn eske saldy, dep habarlaidy Dalanews.kz.
Ministrdiń túsiniktemesi
"Memleket árqashan óz azamattaryna qamqorlyq jasaidy. Barlyq quzyrly organdar óz ókilettigi aiasynda jumys istep jatyr. Munda memleket qamqorlyq jasamai otyr degen túsinik joq, ásirese quqyq qorǵaý organdary turǵanda. IIM-niń basqa el aýmaǵynda jedel-tergeý is-sharalaryn júrgizýge quqyǵy joq. Meniń bilýimshe, jumys Bas prokýratýra jáne Syrtqy ister ministrligi arqyly júrip jatyr. Biz qazir ózimiz tergeý júrgizemiz dep aita almaimyz. Bul taqyryp boiynsha kelisimderimiz joq. Adam ólimi, jaqyndary, týystary bar ekenin túsinemin. Biraq maǵan senińizder, memleket baqylaýda ustap otyr. Óz tarapymnan da baqylaýda ustaimyn", – dedi Sádenov.
Ministrdiń aitýynsha, vedomstvo nemis politsiiasynan qylmystyq isti tanysý úshin suraýǵa da quqyly emes.
Oqiǵanyń mán-jaiy
Qazaqstandyq burynǵy sýdia Aigúl Sailybaevanyń denesi 2024 jylǵy 16 maýsymda Erlahe kóli mańynan tabylǵan. Politsiia ony basqa jerde óltirilgen bolýy múmkin dep boljaǵan.
Marqumnyń týystary áiel buryn kúieýi men enesinen birneshe ret zorlyq-zombylyq kórgen bolýy yqtimal degen pikir aitqan. 2024 jyldyń maýsymynda Germaniia politsiiasy qazaqstandyqtyń enesi Natalia Dontsovaǵa izdeý jariialap, ony kisi óltirý isinde kúdikti dep tanydy.
